Miradas De Marfil 'Marcos Rodríguez' O fotógrafo carballés Marcos Rodríguez retrata nesta exposición a crúa realidade de Costa de Marfil a través de fermosas instantáneas da vida cotiá do país africano, realizadas nunha viaxe coa ONG Égueire, moi vinculada á Costa da Morte, e que leva a cabo diversos proxectos de cooperación con este país. A cor branca dos ollos dos pequenos marfileses é a gran protagonista da comprometida mirada deste fotógrafo, recoñecido, entre outros galardóns nacionais e internacionais, como Mellor Fotógrafo Europeo 2018 na categoría de reportaxe gráfica, pola Federación europea de fotografía.