O Furancho No noso furancho pódese consumir o excedente de viño, que é sinónimo de humor, e gozar dun espazo de comuñón e complicidade no que o público acode a empaparse coa máis pura e sincera expresión da comedia hilarante. E para quen non sexa de moito beber alcohol, no noso Furancho Spa Resort Vitivinícola Rosalía de Castro ofrecemos tratamentos de beleza e saúde baseados na viñoterapia. O corpo humano é unha parra que se expande. Cada célula é unha uva que nos flúe por dentro. Nós cruzamos as sementes das cepas máis exquisitas para atopar a combinación perfecta que che achegue relax e benestar. Todo sen química, nin sulfitos. Ecolóxico 100%. ¿Buscas espectáculos teatrales en Santiago de Compostela? En Imjoying.com te mostramos toda la agenda de ocio